ता. वरुड, जि. अमरावती
आमची ओळख, आमचा समृद्ध ऐतिहासिक वारसा - ग्रामपंचायत बाभुळखेडा
सातपुड्याच्या निसर्गरम्य पायथ्याशी वसलेले बाभुळखेडा गाव आपल्या समृद्ध कृषी संस्कृती आणि सामाजिक ऐक्यासाठी विदर्भात परिचित आहे. संत गाडगेबाबांच्या स्वच्छता व समतेच्या विचारांवर चालणारे हे गाव एक आदर्श ग्राम म्हणून ओळखले जाते.
गावाच्या मध्यभागी असलेले जागृत हनुमान मंदिर हे संपूर्ण पंचक्रोशीतील भाविकांचे श्रद्धास्थान आहे. मंदिरात दरवर्षी अखंड हरिनाम सप्ताह व महाप्रसादाचे आयोजन केले जाते.
शेतकऱ्यांचा सर्वात मोठा सण पोळा अत्यंत जल्लोषात साजरा केला जातो. सर्जा-राजाची वाजतगाजत ग्रामप्रदक्षिणा काढली जाते आणि उत्कृष्ट बैलजोडीस ग्रामपंचायतीतर्फे सन्मानित केले जाते.
पर्यावरणपूरक मातीच्या मूर्तींची प्रतिष्ठापना करून व्याख्यानमाला, महिलांसाठी हळदीकुंकू आणि रक्तदान शिबिरांचे आयोजन केले जाते.
दीपावली पाडव्यानिमित्त गावात सर्व ग्रामस्थ एकत्र येऊन परस्परांना शुभेच्छा देतात व सामूहिक गोडधोड भोजन कार्यक्रम आयोजित होतो.
गावात ज्येष्ठ व युवकांचे सक्रिय भजन मंडळ असून दर एकादशी व सणांना विठू नामाचा गजर व कीर्तन परंपरा जोपासली जाते.
गावातील महिलांनी बचत गटांच्या माध्यमातून संत्रा बर्फी, ज्यूस, लोणची व हस्तकलेच्या वस्तू तयार करून स्वतःचा उद्योग सुरू केला आहे.